‘中兴漫话’庆周年.docVIP

嘉興國小98學年度1學期《每周一諺》 98年9月 週 次 台 灣 諺 語 解 讀 1 ＊人若好風水免討。 讀音︰lang5 nann3 ho2 hong1 sui2 bian2 tho2。 註解︰意指別人的評價。 例句︰俗語講「人若好風水免討」，認真作人較重要。 類同諺語︰人氣若好作工課就輕可。 相關台語︰風聲、人評、風評。 2 ＊刀仔喙，豆腐心。 讀音︰to1 a2 tshui，3tau7 hu7 sim1。 註解︰意指面惡心善。 例句︰伊个人「刀仔喙，豆腐心」，好歹作伙久，你就會知影。 類同諺語︰賊仔面，菜公心、軟心歹看面。 相關台語︰面惡心肝軟。 3 ＊觀目色，聽話意。 讀音︰kuan1 bak8 sik4，thiann1 ue7 i3。 註解︰意指察言觀色。 例句︰作戴誌若會曉「觀目色，聽話意」，就較袂出槌。 類同諺語︰︰入門看人意入山看山勢。 相關台語︰看目色、看勢面。 4 ＊尻川後罵皇帝。 讀音︰kha1 tshng1 au7 benn7 hong7 te3。 註解︰意指閒言閒語。 例句︰有意見當面無欲反應，干單會曉「尻川後罵皇帝」，有啥咪路用？ 類同諺語︰講長跤短話、講尻川後話。 相關台語︰閒話、閒仔話。 5 ＊喙飽目睭枵。 讀音︰tshui3 pa2 bak8 tsiu1 iau1。 註解︰意指人心貪得無厭。 例句︰明明已經食飽仔，毋過看著物件嘛擱想欲食，「喙飽目睭枵」實在足食力。 類同諺語︰人心肝牛腹肚、也欲食也欲掠、想貪戴雞籠、食碗內看碗外。 相關台語︰貪心、乞食相、痟貪。 6 ＊有生張。 讀音︰u7 senn1 tiunn1。 註解︰指能夠通達權變。 例句︰伊做人足「有生張」，咧解決問題，袂佔死訣，足熟手。 類同諺語︰有樣看樣無樣家己想。 相關台語︰變竅、有變竅、反應緊。 7 ＊直理直路。 讀音︰tit8 loo7 tit8 loo7。 註解︰指性情率直，單刀直入。 例句︰翁仔某若真影赫呢歹作伙，「直理直路」咱看辦離婚較規氣。 類同諺語︰一條腸通尻川、較直過菜瓜鬚、三鋤頭二畚箕。 相關台語︰條直、土直、柴關刀直破。 8 ＊緊事寬辦。 讀音︰kin2 su7 khuan1 pan7。 註解︰形容欲速則不達。 例句︰「緊事寬辦」，拄著戴誌，袂使青猴，一定愛冷靜，一步一步解決。 類同諺語︰食緊弄破碗、緊炊無好粿、緊行無好步緊走無好路。 相關台語︰寬寬是、慢慢是。 9 ＊三不五時。 讀音︰sam1 put4 goo7 si5。 註解︰形容偶而偶而。 例句︰伊个家境經濟袂歹，「三不五時」就會安排出國去觀光。 類同諺語︰三時風兩時雨。 相關台語︰有東時仔、一半擺仔、一半過仔、罕罕仔。 10 ＊抄無寮仔門。 讀音︰sa1 bo5 liau5 bng5。 註解︰意指事情複雜，千頭萬緒。 例句︰發生這个問題个原因，實在有夠複雜，真正是予人「抄無寮仔門」。 類同諺語︰揣攏無總頭。 相關台語︰茹氅氅、霧煞煞。 11 ＊見笑轉受氣。 讀音︰kian3 siau3 tng2 siu7 khi3。 註解︰意指惱羞成怒。 例句︰做毋著戴誌愛認錯，毋通予人小可講冽，就欲「見笑轉受氣」。 類同諺語︰起鳥屎面、生番仔癣。 相關台語︰起番、起無空、起猴繃，起屁面。 12 ＊抹壁雙面光。 讀音︰buah4 piah4 siang1 bin7 kong1。 註解︰意指騎牆派。 例句︰「抹壁雙面光」講好聽一點仔，是作人成功，講歹聽一點仔，是無是非。 類同諺語︰夯順風旗个、雙面刀鬼、徛三面壁。 相關台語︰雙頭蛇、半奸忠仔。 13 ＊草蜢弄雞公。 讀音︰tsau2 menn2 lang7 ke1 kang1。 註解︰意指戲弄。 例句︰知影伊性地歹，反面無情，你擱敢佇彼「草蜢弄雞公」，真正想欲死仔。 類同諺語︰吊肉跋死貓。 相關台語︰創治、創景、嬉弄，戲弄、凌治。 14 ＊加減趁較袂散。 讀音︰ke1 kiam2 than3 khahg8 be7 san3。 註解︰意指積少成多。 例句︰「加減趁較袂散」，有工課通做就好，趁濟趁少嘜傷過計較。 類同諺語︰絲絲却較好借，鴨卵卻甲米斗填。 相關台語︰粒積、加減窮、積少成多。 15 ＊魚還魚，蝦還蝦。 讀音︰hi5 huan5 hi5，he5 hua5 he5。 註解︰意指橋歸橋路歸路。 例句︰「魚還魚，蝦還蝦」，毋通將伊交交作一伙，提來作伙比。 類同諺語︰你做你咱做咱、一還一二還二、水龜是水龜田螺是田螺。 相當台語︰無相交插。 16 ＊進無步，退無路。 讀音︰tsin3 bo5 poo7，the3 bo5 po7。 註解︰意指窮途末路。 例句︰八八水災了後，災民「進無步，退無路」生活毋知欲安怎過較