台湾文学目前的各种问题.docVIP

台灣文學目前的各種問題 文聯東京支部座談會 時間：六月七日 地點：東京市新宿明治製菓 出席者：莊天祿、賴貴富、田島讓、張星建、劉捷、曾石火、翁鬧、陳遜仁、溫兆滿、陳瑞榮、陳遜章、吳天賞、顏水龍、郭一舟、鄭永言、張文環、楊基椿、吳坤煌（順序無仝） 聘請崔承喜佮文聯以後的動向 吳坤煌：Ui3七月崔承喜女士欲來台灣啊。因為按呢，較早一直擔任《台灣文藝》的編輯、咱事實上的名主編張星建來到東京，另外，現場有兩、三位猶未見過面，所以今仔日東京支部舉辦這場座談會兼歡迎in。因為今仔日是咱從事文藝的人的座談會，請各位莫激外外，免客氣，表達意見。因為時間的關係，我先介紹各位出席者，紲落來選出主席進行座談會……按呢，遮有ㄧ位名主席劉捷先生，我想欲拜託伊做主席，毋知各位按怎想。 一同：贊成，贊成，贊成（拍phok仔） 劉捷：受著推薦，我冒昧接受擔任本日的主持。討論目前台灣文學的各種問題進前，我先想欲拜託張星建先生共聘請崔承喜做契機說明文聯以後的動向……張先生請。 張星建：我這kai2來遮是兼處理聘請崔承喜的事務。自從文聯創立以來，咱一直經營發行文藝雜誌，毋過因為嘛有其他的khang-khue3，佇財務佮編輯上有真濟無周到的所在，感覺真歹勢。若是佇內地發行無遐困難，毋過佇台灣發行單一純粹文藝雜誌，損失傷濟，維持真困難。因為按呢，最近陸續從事電影、戲劇等其他相關各種事業，毋過這嘛毋是短短的時間就成功的。像講，ui3戲劇的問題來講，欲突破語言問題這个難關實在真困難。毋過，tsit-ma2是儘量佮各方面聯絡，向目的當咧前進當中。借崔承喜的表演這个機會，想欲好好仔強固文聯的基礎。今仔日雖然無啥物準備，毋過若有有關文聯的疑問，請儘量講，我會真歡喜回答。 劉捷：有關tsit-ma2文聯記畫中的代誌，請你說明甲閣較具體一下。 張星建：戲劇問題是tsit-ma2當咧準備當中，因為第一無資金就攏無法度做，所以拍算先等到崔承喜的公演結束，才共美術、音樂、電影等等攏當做文聯的相關事業，全面進行計畫。有關雜誌的編輯，想欲更加提昇水準，將來tshue7予作家佮投稿者合理的稿費的方法。 劉捷：除了咱文藝同伴以外，其他的人毋知對文聯過去佮現在的動向有啥物款的看法。像講，一般社會大眾ui3 tsit-ma2的社會形勢──ui3台灣現實社會來看毋知對文聯的存在有啥物款的感覺。請局外的賴先生、莊先生兩位發表意見。 賴貴富：雖然我無啥了解，毋過ui3經營雜誌的立場來講，我想雜誌若賣了無好，維持《臺灣文藝》嘛真困難。我想，像tsit-ma2報業盛行的時代，雜誌做一件商品賣了真濟嘛是ㄧ項真重要的代誌，所以台灣文藝嘛愛有值得好賣的內容。這點是擔任製作的主編一定愛考慮的。 莊天祿：我是外行，所以無啥清楚，毋過學生時代就有興趣，歡喜參加恁的聚會。阮感覺tsit-ma2台灣的小說語言用法的洗鍊ka2-na2無夠。因為佇適當的所在用袂著適當的詞，表現力無懸。因此，藝術的感性袂產生。請原諒我的冒昧，希望文藝家各位以後會閣較用心研究語言。 劉捷：Ui3另外一方面來講，台灣社會全般對藝術的認識真正無夠。因為朝鮮ka2-na2是因為有崔承喜才hong5知影伊的存在。台灣嘛需要會當培養出崔承喜這款藝術環境。 顏水龍：有道理，毋是kan-na政治佮法律才算是人的生活。佇台灣的社會，咱不時仔hong5欺負，應該已經是覺醒的時陣啊……因為今仔日發燒，我先欲失陪啊。這个寒熱仔是佇巴里破病以來第一次破的。（一同笑聲） 鄉土文學、報告文學、殖民地文學 劉捷：這考慮起來ka2-na2是膚淺的議論，佇台灣最近產生一个疑問，這共台灣特殊鄉土特色有關係，就是ui3形式、內容、總體來看咱的文學屬佇啥物款種類的文學？最後作者所屬的階級佮作品的內容會決定文學的種類，毋過雄雄有人問這个問題的時陣，有時嘛會歹回答。新居格先生佇台灣演講文藝的時陣，伊極力談報告文學，毋過彼是指母國人描寫台灣共寄到本國的情形，毋免講咱的文學毋是報告文學。 曾石火：毋過，嘛毋是鄉土文學喔。因為台灣佮內地的岡山等所在嘛無仝款。我想猶是用殖民地文學較適當。 郭一舟：一概講是殖民地文學，這kan-na根據咱的文學作品的生產者描寫殖民地的人或者是殖民地的題材這款上有包括性的特徵才稱做按呢。咱的文學作品中自然會出現殖民地的鄉土性、殖民地的民族性、殖民地政治社會的階級性，佇這款鄉土性、民族性、階級性當中愛出現超越這款各特質的有全球性佮普遍性的人性。殖民地文學內底有超殖民地的意思啦、因素啦，才會變做世界名作吧。 劉捷：為著這款代誌，我無欲勞力，毋過最近咱表達有關鄉土特色的意見的時陣，有人bong2懂煞掠準咱是鄉土文學的主唱者，雄雄跳出來講「鄉土文學理論無成立」，所以我為著慎重起見提起這个問題。正確解決這款問題甚至科學的方法嘛愛採用，一概來講殖民地文學，毋免講這除了血液的問題以外