P薘MBLEDHJEEKZEKUTIVE分析.PDFVIP

RAPORTI I VITIT 2014 MBI TË DREJTAT E NJERIUT NË KOSOVË PËRMBLEDHJE EKZEKUTIVE Kosova është demokraci parlamentare. Kushtetuta dhe ligjet parashikojnë një parlament të zgjedhur njëdhomësh (Kuvendin), i cili më pas e zgjedh një kryetar. Kuvendi duhet ta miratojë kryeministrin të cilin e zgjedh kryetari. Vendi i mbajti zgjedhjet parlamentare më 8 qershor, të cilat vëzhguesit ndërkombëtarë i konsideruan të lira e të drejta. Një bllokadë politike vonoi krijimin e qeverisë deri më 9 dhjetor. Këto ishin zgjedhjet e dyta parlamentare që kur vendi shpalli pavarësinë e vet nga Serbia në vitin 2008 dhe zgjedhjet e para të administruara nga qeveria. Me ndihmën e OSBE-së, këto ishin gjithashtu zgjedhjet e para që u mbajtën në tërë vendin, përfshirë katër komunat veriore. Autoritetet civile mbajtën kontrollin mbi forcat e sigurisë. BE-ja ia vazhdoi mandatin Misionit për Sundim të Ligjit (EULEX) deri në qershor të vitit 2016 në një rol të kufizuar. EULEX-i monitoron Policinë e Kosovës (PK) dhe sektorin e drejtësisë në një kapacitet të kufizuar. Dialogu i Brukselit për normalizimin e marrëdhënieve mes Prishtinës dhe Beogradit, i mundësuar nga BE-aj, vazhdoi. Në të u trajtuan menaxhimi i integruar i kufirit, arkëtimet doganore dhe vulat, liria e lëvizjes, pranimi i ndërsjellë i diplomave, përfaqësimi dhe bashkëpunimi rajonal, përfshirja e ish-policëve të Ministrisë së Punëve të Brendshme të Qeverisë së Serbisë në PK, zgjedhjet, transmisioni i energjisë, regjistrat civilë dhe regjistrat kadastralë. Strukturat administrative të Kosovës veriore u integruan pjesërisht në administratën nacionale. Marrëveshjet për një asociacion të komunave serbe dhe