客語朗讀稿-臺北市光復國小.docVIP

臺北市信義區光復國小104學年度校內客語朗讀學藝競賽 編號1號 【】原作薑根、手腳像鉛線仔樣仔，看起來身體弱漬漬仔。對歲過無幾久，阿姆就帶等??去三灣石哀該位，燒香拜喏，求石哀絭來分??戴，帶分??康健，也帶分??平安。當記得細細仔時節，頸根項一條紅紅个絲線，串等一隻圓圓个東西，在吾身項晃啊晃欸，晃啊晃欸，緊晃??緊大，正知該圓圓个銅錢安到「絭」，該紅紅个絲線就安到絭索。 逐年石哀生該日，阿姆準備好牲儀，就會帶等??去三灣石哀該位拜喏。逐擺阿姆擺牲儀个時節，就會喊??摎頸根項个絭脫下來，擺在牲儀脣頭。接等，阿姆會點六支香，分??三支，佢自家留三支，共下拜天公、拜石哀、拜金爐該位个神明。半點鐘過忒，阿姆會面向石哀雙手合掌，細聲同神明講話，??在邊脣聽等，當像係祈求石哀，分厥倈仔平安長大个樣仔。金銀紙燒過，阿姆同舊个絭索換過新个，喊??摎絭戴轉自家个頸根項，擐等牲儀，帶??轉屋下。 一直到十八歲也係二十歲，??既經毋記得哩！吾該條銅錢絭、石哀絭，也早就無在吾个頸根項哩！聽老人家講，細人仔係講成人長大（十六、十八或者二十歲）以後就愛脫絭，就算還愛戴絭，神明也無法度保護你囉！毋過，佢還係一直保護戴等絭、還吂成年个人喔！胚想，神明係希望成年人自家做得保護自家，自家做得面對人間个所有苦難摎挑戰，怕係！ 戴絭、換絭、脫絭係一個人成長个歷程，從大人照顧、神明保護到自家做得照顧自家个過程。不管你戴个係恩主絭、媽祖絭、觀音絭還係麼个絭，等到自家成人長大，面對任何个困難、承受仰般个苦難，自家總愛知得好好照顧自家，自家總愛知得好好保護大家。 薑根：音giongˊ ginˊ；細瘦的樣子。 對歲：音dui se；滿週歲。 石哀：音sag oiˊ；石頭婆，雌性。民間泛靈信仰，以石頭為神祇。 絭：音kien；護身符。 恩主絭：音enˊ zuˋ kien；恩主公加持的神符。