尪仔上天-大湾国中.DOC

尪仔上天 吳正任 你敢捌去過「月世界」迌？彼个所在 ,是咱台灣上有名的塗礫仔1惡地 ,尤其是高雄縣田寮鄉崇德佮古亭地區 ,這箍籬仔2二十外公里範圍 ,屬「古亭坑層」;遮是全台灣分佈上闊 ,塗質透濫3石頭礫仔上少 ,發育上完整 ,嘛是上正範4(pān)的塗礫仔惡地。 「惡地」主要的生態,著是塗礫仔,現出佇塗跤面,僫5 (oh)得發草,山脈尖塕塕6,利劍劍;毋管日時抑暗暝,看去規片光映映7 (iānn),因為按呢,才予人號作「月世界」。 這款「海仁土」8,塗肉火灰9(hué-hu)色,無啥肥底,干但佇山的跤脊,會發淡薄仔疏疏的相思仔欉,遐的作穡人,會佇塗礫仔山谷 ,坉(thūn)土10圍作水埤仔; 踮溪埔種一寡仔芎蕉 ,檨仔(suāinn á),抑是棗仔,那菝仔等的農作物。 「尪仔上天」是指高雄縣內門鄉內東村,「安南宮」四箍籬仔,惡地山脈的特殊景致;惡地塗面,是由「塗指」(tsáinn)組成的,伊是附稠11( tiau )佇惡地外表彼層塗肉,受著風吹雨沃,年久月深的侵蝕12(tshim-st)作用,自然雕刻出來的。 「塗指」假若是天然的「塗尪仔」,幾仔千仙13,幾仔萬仙塗尪仔,黏佇塗殼,一仙疊一仙,挨挨陣陣,從(u?)山谷列排,一直疊上去,上山尾溜,親像欲跁上天頂仝(kang)款。 遮著是離「月世界」無偌遠,內門「尪仔上天」的奇景!咱若去遐迌,愛徛14較依(uá)咧!閣愛坦敧 (thán-khi)身15,斟酌看;當然,你嘛愛有足活跳的想法,才看會著喔! 海仁土 1、塗礫仔(th?o-lk-á): 泥土夾雜小石礫。 2、箍籬仔(khoo-l?-á): 地區;範圍。 3、透濫(thàu-lām): 摻雜。 4、正範(tsiànn-pān): 標準;典型。 5、僫(oh):難。 6、尖塕塕(tsiam-ong-ong): 山脊尖且銳。 7、映映(iānn–iānn): 光亮。 8、海仁土(hái-j?n-th?o): 灰黑色,透水性差的黏土。 9、火灰(hué-hu): 燃燒後灰燼,淺黑色。 10、坉土(thūn-th?o): 填土。 11、稠(tiau): 附著。 12、侵蝕(tshim-st): 岩石經流水或風所磨耗。 13、仙(sian): 尊(一座) 。 14、徛(khiā) : 站立。 15、坦敧身(thán-khi-sin): 側身。 吳正任 台灣高雄縣人/成大台文所/師大母語師資培訓班結業。 教育部母語師資檢定考試通過/嘉興國小/岡山國中台語文教師。 著作: 車過牛路彎 (台語現代詩˙文˙評論集/2005 ) 台語詩被選輯入2006台語文學選 塗指 寧靜海 1、水鹹 / 土黏 / 內門的查某人勤閣儉 飼鴨仔出皇帝 飼牛飼羊袂黏蹄(tê) 飼雞袂著雞災(tse) [意譯]:內門鄉境,雖位處惡地,生存環境稍難,不過,「惡地」上的住民,積極勤奮,樂天知命;如今,到處洋溢一片富足安樂景象.上天始終眷顧賜福,庇佑這裡的子民.(西元一七二一年四月十九日,鴨母王朱一貴,於「羅漢門」結盟起義,攻陷府城後,自立「中興王」;內門出皇帝,地靈人傑.) 2、 一個鄉 / 二間紫竹寺 / 三個派系 / 四大庄頭 / 五色人徛(khiā) / 六種信仰 / 七間小學 / 八個好所在 / 九個民俗藝陣 / 實(十)在好看. [意譯]:此話語廣泛流傳民間,貼切刻劃出內門鄉,政治,經濟,教育,文化,歷史,名勝,民俗,信仰,生活等等之真實寫照. 1、唸看覓 敢捌 / 佚陶 / 塗礫仔 / 透濫 / 侵蝕 / 挨挨陣陣 / 斟酌 / 坦敧身 2、文白異讀 上 tsiūnn (白):上台 / 田 tshan (白):田園 siōng (文):上課 / tian (文):田徑