浅谈本土儿童诗歌.doc

PAGE PAGE 16 歡喜念歌詩 本土兒童詩歌介紹kah欣賞 曹麗華 100 07 02 壹：淺談本土兒童詩歌 「兒童詩歌」包括一、「囡仔歌」二、「童詩」 一、本土囡仔歌 (一)囡仔歌的起源 文字抑未發明晉前，咱人共傳播的訊息，編成有節奏、有押韻、會使口耳相傳，簡單記憶的歌謠，予伊便於流傳。適合兒童念唱的，咱著稱作「童謠」，也著是咱現代人講的「囡仔歌」。 (二)本土囡仔歌包括1.傳統囡仔歌，2.現代創作囡仔歌。 (三)：「傳統囡仔歌」的特色 1.無固定的作者，透過口耳相傳的方法來傳播。 2.會產生各種變形。 (四)：啥米是「創作囡仔歌」現代人創作的囡仔歌 (五)：囡仔歌和童謠的異仝 1.形式上真相像。 2.內容大致相仝。毋閣有部分「童謠」，佇古早被成作政治預言kah宗教傳播工具。 3.對創作者來看，「古典童謠」是典型的集體創作，佇流傳的過程，會產生變形。「現代囡仔歌」通常由單一作者完成，袂產生變形。 4.對創作的時代而言，現代人創作的作品，慣習叫做「囡仔歌」；流傳佇過去民間的，慣習叫做「童謠」。 (六)：囡仔歌的定義 所謂「囡仔歌」，古稱「童謠」，伊是一種以嬰幼兒為主要唱讀對象的兒童文學作品，內容淺顯、簡單，有情意。伊親像童詩仝款，採用分行的形式，來呈現內容。不過，它比童詩閣較注重音樂性，閣較適合兒童吟唱。 (七)：囡仔歌的特徵 林文寶先生強調：「兒童詩歌的特質著是音樂性kah圖像化。」 (八)：音樂性的來源 1.聲音的格律，著是押韻。 2.節奏的格律，著是章句排列的形式。 3.疊字、疊詞、類似句、類似段的應用。 4.感人的情意，著是文學性。 (九)：囡仔歌的創作的要點 整體而言，寫作囡仔歌有三大要素： 1.調整押韻。 2.調整句式。 3.想辦法予字、詞、類似句、類似段落重複。 結語： 整體來講，寫作囡仔歌比起創作其他類型的文學作品，是較容易根據理論的。當咱創作出一首囡仔歌的時陣，只要咱越頭去看押韻是不是抑有進步的空間；句式會使閣調整無；是毋是用擬聲；啥米字詞句段會使疊來疊去；啥米句型會使問答；對偶kah排比；會使套句嗎？字頭字尾會使頂尖？若是攏有注意著，咱著會當予咱的作品閣較有聲音的美感。 二：本土童詩 (一)：「本土童詩」kah「本土囡仔歌」比較起來，有三个特色。 1.它毋是口傳文學 2.大部分攏是以國語作創作的語言 3.有真濟兒童創作的作品 (二)：童詩的起源ka發展 雖然咱是一個喜愛詩的民族，毋閣詩的發展，佇五四白話文運動以後才有。佇民國六、七十年間，台灣嘛展開一場的童詩革命，從此以後童詩奠定伊應有的基礎，成作兒童的精神食糧。 (三)：廣義的童詩包括三個範圍： 1.兒童家己寫的詩。 2.成人為兒童寫的詩 3.一切適合兒童欣賞的詩 (四)：童詩的定義 因此，對廣義的角度來看，童詩kah現代詩、古詩是有一寡小小的交集。不過，咱通常講的童詩，是指兒童家己寫的，抑是大人考慮兒童的心智年齡、閱讀能力，專為兒童創作的作品。伊通常以現代的語言、分行的形式，詩的技巧來呈現，內容含蓄、婉轉、意味深長，有感人的力量。 (五)：童詩的特質 詩味著是童詩的特質。 洪中周先生講遐是一種「特殊的滋味」。 這種特殊的滋味，著是「餘味」，亦著是當咱讀完一首詩，留在心肝內徘徊不去的遐種滋味。 (六)：詩味的來源 1.詩味來自於本土性 2.詩味來自於生活性 3.詩味來自趣味性。 4.來自於「內心感動」。 5.來自創作想像。 (七)：介紹幾種童詩類型 1.寫景的詩。 2.寫物的詩。 3.寫事的詩。 4.寫人的詩。 5.寄情的詩。 6.闡述某種意念kah意涵。 (八)：兒童詩的功用 1.會使抒發兒童的情緒 2.會使陶冶兒童的性情 3.會使提升兒童的語文能力 4.會使提升兒童的創造力 5.會使提高兒童的想像力 6.會使培養兒童欣賞美的能力 (九)：童詩按怎寫 1：宇宙有情，天地萬物做題材。 2：性命中的感動 3：設身處地，揣摩他人的感動 4：用外物來表達心中的感動（寄情於萬物中），予「心象」kah「物象」結合。 (十)：按怎培養寫作的能力 1：欣賞好作品 多讀好作品。 不但愛多讀，還要細讀、熟讀、抄讀。 （細讀）要讀到骨髓。 （多讀）師法其上，僅得其中；師法其中，斯為下矣。 （抄讀）當家己佇分析一首詩時，常常是佇抄了彼首詩以後，才真正發現彼首詩美好的所在。 2：模仿 學習書法要臨帖，寫作嘛要臨摹，才能吸收作家的精華。寫作驚模仿，學習寫作驚無模仿。 3：改造 揣出作者的缺點，加以修改，會使參與作者的寫作，ka7家己成作作家。 4：解析寫作技巧予家己熟練表達的方法 5：鼓勵創作感動有時有陣，鼓勵學生抑是家己即時把握感動，隨時創作。 結語： 童詩是兒童唯一真正參與的文學作品，伊會使提升兒童的創意，向望逐家會使幫忙推使，培養兒童的能力，予兒童參與文化