闽南语演讲稿~我的老师.DOCVIP

閩南語演講稿~我的老師 各位評審各位同學 逐家好 我是編號第 號 今仔日我所欲演講的題目是 我的老師 我的老師 自從一年級入學到這馬，我學過的科目有真濟，其中，我上佮意的是音樂課，所以我上佮意的老師也是教我音樂的老師~郭老師，她平常時開朗活潑，滿面笑容甜甜甜，若是一受氣起來，絕對比住佇深山林內的萬獸之王閣較予人驚惶。 會記得第一擺看見郭老師的時陣，我的心裡就偷偷的按呢想－這是啥人啊？穿著一領黑色的長褲，滿面春風，身軀頂閣揹著一支gi51 ta11(吉他)，敢若親像歌星仝款，美麗大方，又閣拍哩拍哩！後來我才知影她就是阮新來的音樂老師，而且她身軀頂揹的不是gi51 ta11(吉他)，是大支的烏克莉莉。 因為郭老師主修是打擊，副修是鋼琴，所以她上課的內容會當講是比七十二變的孫悟空閣較厲害，正港是千變萬化，有當時仔教阮彈烏克莉莉、歕仔，有當時仔教阮練唱歌、練拍拍，有當時仔教阮欣賞音樂大師的經典名曲，有當時仔教阮練手語、學演戲，所以每一擺的音樂課我攏充滿期待，每一擺的音樂課，我總是滿載而歸。 今年的母親節，學校舉辦一個表演活動，老師很重視這個表演，她用真濟時間幫阮設計，教阮排練，有幾個同學並不喜歡這個表演，所以一直跟老師唱反調，老師一直忍受到最後，忍不住滿腹肚火大聲罵，她說:『恁若是想欲表演，就愛有表演者的模樣，按呢一直扭扭捏捏，是無想欲表演是不是?若想欲得到觀眾的呵咾，就要予人感受到這個表演的意義，會當使人對心內受到感動，恁這馬的表現只是卸世眾，實在是食無三把蕹菜，就欲上西天---差遠咧！』講了，全班攏恬恬，逐家頭犁犁，無人敢閣講話。紲落去的練習，逐家攏真認真，照起工練，一一完成老師的要求。 演出彼一日，逐家共老師平常教的每一個動作、每一個眼神，一步一步誠懇用心的表現出來，逐个同學攏真努力，表演結束了，觀眾的掌聲就親像是鬧熱時的炮仔聲，拍袂停，『真是做戲的欲煞，看戲的毋煞。』我看到老師也一直笑頭笑面。 表演煞了的第一擺上課，老師呵咾阮表現真好，她講『做任何代誌攏愛腳踏實地，一步一腳印，有落種就有收成。』 郭老師上課的時陣袂予阮傷濟壓力，也袂允准阮烏白來，她毋但傳授阮音樂的奧妙，也提醒阮做人的道理，佇她的身上，我看見真濟優點，我深深了解會當遇著遮爾好的老師，實在是阮的幸運佮福氣。 我的演講講到遮，多謝逐家。 沄水國小閩南語俗諺每週一句 ◎ 一年級上學期 ◎ 姓名： 編號 閩南語俗諺 中文字義 家長認證 1 一粒米，百粒汗。 農夫種田辛勞，糧食不可浪費。 2 七坐八爬九發牙。 嬰兒七個月大時學會坐、八個月大學會爬、九個月大時就長牙齒。 3 一分錢，一分貨。 花多少錢，就得到價值相當的東西。 4 大腸告小腸。 形容人肚子很餓 5 一耳空入，一耳空出。 右耳進、左耳出。比喻善忘。 6 人未到，聲先到。 形容人的排場很大；或形容大嗓門的人。 7 人心肝，牛腹肚。 比喻人心不足蛇吞象。 8 有一好，無兩好。 福無雙至。 9 坐予正，得人疼。 坐姿端正，才能得人疼愛。 10 拍人喝救人。 指惡人先告狀。 沄水國小閩南語俗諺每週一句 ◎ 一年級下學期 ◎ 姓名： 編號 閩南語俗諺 中文字義 家長認證 1 三分人，七分妝。 比喻人要衣裝，佛要金裝。 2 有量就有福。 有度量才有福氣。 3 王梨頭，西瓜尾。 教導人家怎樣挑選水果及觀察蔬果的自然生態。 4 三講，四毋著。 比喻滿口胡言，每講必錯。 5 人咧做，天咧看。 比喻天理昭昭，報應不爽。 6 食飯皇帝大。 形容吃飯這件事最重要，什麼事都不能打擾、中斷。 7 恬恬食三碗公半。 比喻人默默地做出令人驚訝或讚嘆的事。 8 食好鬥相報。 口耳相傳，有口皆碑。 9 俗物無好貨。 便宜沒好貨。 10 萬事起頭難。 意指事情剛開始的時候，都是比較困難的。 11 囡仔人有耳無喙。 斥責小孩子不要亂問大人的事，就算聽見了也不可以亂傳。 12 九月颱，無人知。 比喻天有不測風雲，人有旦夕禍福。 13 頭燒燒，尾冷冷。 責怪人做事情無法「有始有終」。 14 好心予雷唚。 比喻好心沒好報。 15 白白布染甲烏。 比喻顛倒黑白，指鹿為馬。 16 惡馬惡人騎。 比喻壞人自有比他更凶惡的人來懲治他。 17 見笑轉受氣。 即惱羞成怒。 18 狗無嫌主人散。 說明狗對人的忠誠，也反諷人的無情無義。 19 互相落氣，求進步。 形容互相在不傷和氣下互掀短處，反而促使雙方自我檢討，是一種求進步的方法。 20 共天公借膽。 比喻膽大包天。 沄水國小閩南語俗諺每週一句 ◎ 二年級上學期 ◎