台语罗马字拼音演化史论-台中教育大学.PDF

台語羅馬字拼音演化史論 台灣師範大學台灣 文化及語言研究所 李勤岸 台南大學國語文學系碩士班台語組 李淑鳳 摘要 台語拼音史上 bat 出現過類型濟濟ê 拼音符號，有漢字拼音符號、羅馬字拼音符號、 日語假名拼音符號、注音符號、諺文式拼音符號等等。歷史演變 ê同時，拼音符號也 tuè leh 淘汰kap 形成，最後集中t羅馬字拼音符號ī ê競爭頂頭。幾若十套 ê羅馬字拼音 符號系統按怎演化？本文透過台灣在地形成抑是在地流通 ê台語羅馬字拼音方案為 主，配合相關ê 文獻資料，紹介tsia-ê羅馬字拼音符號，最後就（ 1 ）聲母符號（2 ）韻 母符號（3 ）聲調符號以及（4 ）語詞表記方式做比較，以觀察台語羅馬字拼音符號是 進化來ê （進化論）抑是創造出來ê （創造論）。 1. 踏話頭 長久以來，台語 ê 拼音符號有歷時 ê 演變也有共時 ê 競爭，對上早先 ê 「漢字」 拼音符號，經過「日語假名（kana ）」拼音符號、「注音符號」到「羅馬字」拼音符號， 中間也出現一寡「突變」ê 拼音符號，親像「諺文」式 ê 拼音符號。台語 ê 拼音符號 不斷產生、不斷改變，一直到 2006 年 9 月 27 日教育部國語會通過「台灣閩南語羅馬 字拼音方案」，10 月 14 日公告實施，這个歷史性 ê 決策結束台語長年來 ê 拼音爭議， 也顯示台語拼音方式最後 tī 「羅馬字拼音」得tih 共識。本文要意 beh 探討台語羅馬 字拼音 tī 歷史上 ê 演化，觀察歷史上 bat 出現過啥物款 ê 台語羅馬字拼音符號？In 又 koh 按怎消失去？進一步了解「台灣閩南語羅馬字拼音方案」在取得認同 kap 共識以 前 ê 台語羅馬字拼音符號 ê 競爭史，tshuē出台語羅馬字拼音符號演化 ê 規則。另外， 拼音符號一般所指涉 ê 是「音標」，但是，「音標」若thh 來做文字使用就是「拼音文 字」，本文是採取符號論ê 觀點，拼音符號所指涉 ê 內容就可以是「音標」mā可以是 「文字」。換句話講，本文探討ê 範圍同時觸及「音標」kap 「文字」2 个層次。 2. 台語拼音符號 ê 類型 台語 ê 拼音方式以符號 ê 類型來講，主要 ē-tàng 分做下面 4 種：（1 ）漢字拼音符 號（2 ）羅馬字拼音符號（3 ）日語假名拼音符號（4 ）注音符號。此外，也 bat 出現過 「諺文式」ê 標音符號，不過，若就所留存落來 ê 符號記錄文獻 ê 數量來講，主要猶 是以「漢字」、「羅馬字」、「日語假名」kap 「注音符號」這4 種為主。 3. 羅馬字拼音 ê 演化 kap 競爭 2006 年 9 月 27 日台灣教育部國語會通過「台灣閩南語羅馬字拼音方案」，10 月 14 日公告實施，這个歷史性ê 決策結束台語長年來 ê 拼音爭議，也顯示台語拼音方式 最後 tī羅馬字拼音得 tih 共識。翻頭來看台語拼音符號史上 bat 出現過 ê 種類濟濟、數 量驚人 ê 拼音符號系統，經過歷史演化 kap 競爭 ê 結果，今仔日回歸羅馬字 ê 拼音系 1 統，這背後 ê 原因值得咱探討。咱發現這个拼音符號演化 ê 過程 kap 語言學上文字進 1 化 ê 過程是一致 ê ：uì 「表意文字」到「表音文字」。若就文字發展 ê 階段來進一步解 說，就是 uì 「句意文字」到「表詞文字」到「詞素文字」到「音節文字」到「音素文 2 字」。拼音符號演化 ê 過程 tú 好是：uì 「漢字拼音」（詞素制）到「假名拼音」（音節 制）到「注音符號」（準音素制）到「羅馬字拼音」（音素制）。文字ê 進化是向 tih 音素文字邁進，拼音符號 ê 進化 mā是向 tih 音素制 teh 邁進，這款